Kar û xebatên kolektîv û dezgeyî di nav me kurdan kêm û qels
in. Bi ser de jî piranîya karên kolektîv
û dezgeyî li dû wextek li ser milên
kesek an jî çend kesan de dimînîn, ev kar jî dibin wek karên ferdî. Di nav kurdan de piranî karên, aktiviteyên,
pêkhateyên hunerî, edebî û kulturî bi însayatîf û xebatan ferdî tê înşakirin. Barê
pêşvexistin, geşkirin, berdewamkirina wan karan û pêkhateyên li ser milên
înşaker(ên) xwe ye.
Di nav me kurdan de gelek mînak hene ku di qadên cur bi cur
de ferdên kurd gelek karên edebî, hunerî û kulturîyê biqalîte, berz û geş
kirine. Ji wan ferdan yek jî Recep Îçen
e.
Nasîna min bi Recep
Îçenî ra berî bi xwendina nîvîsên
wî ra çêbibû. Sebaretê şanoya kurdî min çend nîvîs û xebatên wî xwedibû. Li
Mêrdînê, ez rastî wî hatibûm, ez çûm bi wî ra bûm nas. Çend carên din jî em li
rastê hev hatibû. Hemû têkilîya min bi wî ra ewqas e.
Reçen Îçen, par, li Mêrdînê Şaneşîn Performans înşa kir....
Ji destpêk ve dostek min di nav koma Şaneşîn Performansê de
ye. Tu têkilîya min a direkt bi Recep Îçen ra tune ye.Têkilîya min
îndirekt bi vî dostê min ra bi Reçep
Îçenî ra, bi karên wî yê hunerî û kulturî ra çêdibe. Ji ser dostên xwe ra, di
hinek cîyan de jî ji rastê rast ez bi xwe, ez weku ku şahidîya pêvajoya destpêk
û geşedanî Şaneşîn Performansê dikim.
Recep Îçen, Şaneşîn Performansê, ji tunebûnan, ji “bê-”yan
wek bêsehneyî, bêlistikvanî, bêpere, bêdekor, pêpisporî… înşa kir. Hata niha jî
tûşî “bê-”yan û tunebûnan tê. Mînak îro
jî li Mêrdînê sehneyek rêkûpêk tuneyê ku listika xwe nîmayiş bikin.
Di demsala biharê sala 2022 de min listika wan a pêşîn bi
nava Bêcir temaşe kiribû. Vê listika pêşîn,
min qe neecibandibû lê em neheqî nekin, li gor şert û mercên xwe, li gor
destpêk listikek ne xirap bû. Di biharê îsal de jî min listika duyem ya Şaneşîn
Performansê bi nava Penceşêrê min temaşe kir.
Bi pêşengtîya Recep Îçen, li gel hevalên xwe li rexmî hemû tunebûnan û
“bê-”yan listikek biqalite afirandîye. Di nav ewqas “bê-”yan û tunebûnan de
qalite û başbûna listika Penceşêrê vê nîvîsê da min nivisandinê.
A rastî ez bi hêvî û bêndewarîyên mezin neçum temaşekirina
Penceşêrê, çimkî hata niha qasî deh listikên şanoya kurdî ez çûm ji wan yek jî
ne li gor dilê bûn, min yek jî neecibandbû, ji min ra gelek bêqalite û biproblem
hatibûm. Lêbêle Penceşêr, ji gelek alîyan ve gelek biqalîte bû. Cara pêşîn e ku
ez listikek şanoya kurdî ewqas zaf diecibînim.
Listika Penceşêr gelek alîyan heja û biqalîte bû mirov li
ser bipeyîve, niqaş bike û binivîse. Yek, ji hêla estetîk ve Penceşêr gelek
berz bû wek ziman, dekor, aheng û performansê listikvanan. Du, ji hêla
problematizekirina mijara listikê ve, problematizekirina mijare Penceşêr
fonksîyonel û kêrhatî bû; serdest û bindestî, spî û reşik, kole û efendî, pakij
û qirej dihat problematizekirine. Sê, hemû
listikvanên Şaneşîn amator in lê di Pênceşêr de performansa listikvanan bi
gelemperî serketî bû, bitaybetî jî ya M. Xalit Ertoşî û Erdal Açil muhteşem bû,
mirov dibêje qey ev herdû listikvan ne amator in, hata niha ne yek, du di
listikê de listinê, deh sal in li ser
dîkê ne, bi profesyonel şanogerî dikin. Çar, zimanê Penceşêr gelek dewlemend û
geş bû, mirov bi dewlemendîyên kurdî sermest dibû. Penc, piranîya henekên û kenandina bêqalite û
erzanê şanoya kurdî di Penceşêr de
tunebû,henekên Penceşêr biqalîtebûn, bibaha dida kenandinê. Şeş, emareyên katarsisê di listikê de hebû.
Rejîsor Recep Îçen, xwedî ferasetek hêzdar, backgrounda kûr,
zanîna têr û tîje û riwangeya berfireh e. Bi vê listika xwe jî xwe da
îspatkirinê.
Ji her alîyan ve Recep Îçen û Şaneşîn Performansê alîkarî û
piştgîrî heq dikin. Bi hêvîya ku Şaneşîn Performans li welatê bibe komek sed
salî ye….
*Ev nivîs pêşî di malpera Nuhevê de hatibû weşandin.
Hiç yorum yok:
Yorum Gönder